მიმართვა 7 თვითმმართველი ქალაქის გაუქმების თაობაზე » ICDI.GE

მიმართვა 7 თვითმმართველი ქალაქის გაუქმების თაობაზე

ავტორი icdi, 26-07-2017, 14:56 | კატეგორია სიახლეები / განცხადებები


საქართველოს ეროვნული პლატფორმის წევრი 51 ორგანიზაცია ხელისუფლებას მოუწოდებს, 7 თვითმმართველი ქალაქისთვის თვითმმართველის სტატუსის გაუქმების საკითხს გადახედოს.

როგორც საქართველოს ეროვნული პლატფორმის მიერ გავრცელებულ განცხადებაში არის ნათქვამი, თვითმმართველობის რეფორმის პირველი, მნიშვნელოვანი წარმატება იყო ახალი თვითმმართველობის კოდექსის მიღება და რეფორმის სტრატეგიის შესაბამისი პირველი სერიოზული პროგრესი, ახალი 7 თვითმმართველი ქალაქის შექმნა და შემაშფოთებელია, რომ ბოლო პერიოდის ერთ-ერთი ყველაზე პროგრესული ინიციატივა კითხვის ნიშნის ქვეშ დგება.

„თვითმმართველობის რეფორმა იყო ის მთავარი წარმატებული რეფორმა, რომელმაც მოწონება და მხარდაჭერა მოიპოვა არა მხოლოდ საქართველოში, არამედ ევროპის დემოკრატიულ ინსტიტუტებსა და სახელმწიფოებში. სწორედ რეფორმის მხარდასაჭერად, შესაძლებლობების გასაძლიერებლად და მოსახლეობის ჩართულობის ეფექტურობის გასაზრდელად ევროპული და ამერიკული ინსტიტუტების მიერ წარიმართა არაერთი პროექტი და დაიხარჯა მნიშვნელოვანი რესურსი. შედეგად, ქართული საზოგადოებისა და საქართველოს სტრატეგიული პარტნიორების ძალისხმევით შესაძლებელი გახდა საქართველოში ახლებური ტიპის, დემოკრატიული სტანდარტების შესაბამისი თვითმმართველობის სისტემის დამკვიდრების პროცესის დაწყება. თვითმმართველობის კიდევ უფრო გაძლიერება და მოსახლეობასთან დაახლოება მხოლოდ რეფორმის შემდგომი გაგრძელებით, მისი ინტენსივობის გაზრდითა და გაღრმავებით არის შესაძლებელი. შემაშფოთებელია, რომ ბოლო პერიოდის ერთ-ერთი ყველაზე პროგრესული ინიციატივა და მისი შედეგები შესაძლოა, კითხვის ნიშნის ქვეშ დადგეს მოსახლეობის ინტერესების საწინააღმდეგოდ. საქართველოს მთავრობისა და პარლამენტის გადაწყვეტილება, შეაჩერონ ან უარი თქვან დაწყებული რეფორმის გაგრძელებაზე, თვითმმართველობის მოსახლეობასთან დაახლოებაზე და მოსახლეობასთან ეფექტური დიალოგის გარეშე ახალშექმნილი 7 მუნიციპალური ქალაქისთვის თვითმმართველის სტატუსის გაუქმებაზე - მხარდაჭერას ვერ მოიპოვებს და უპირობოდ უკან გადადგმულ ნაბიჯად შეფასდება, რომელიც გააუარესებს დემოკრატიის ხარისხსაც. ამასთანავე, ამ დღეებში პარლამენტმა უნდა განიხილოს პრეზიდენტის ვეტო, რომელიც არ იზიარებს პარლამენტის მიერ მიღებულ კანონს 7 მუნიციპალური ქალაქისათვის თვითმმართველობის სტატუსის გაუქმებას. აღნიშნულის გათვალისწინებით, მოვუწოდებთ საქართველოს ხელისუფლებას გადახედოს მიღებულ გადაწყვეტილებას 7 თვითმმართველი ქალაქისთვის თვითმმართველის სტატუსის გაუქმებაზე, გააგრძელოს რეფორმა და საზოგადოებას წარმოუდგინოს დეცენტრალიზაციისა და თვითმმართველობის რეფორმის სტრატეგია“, - ნათქვამია განცხადებაში.

ხელმომწერი ორგანიზაციები:1. ლიბერალური აკადემია თბილისი2. საქართველოს სტრატეგიული კვლევებისა და განვითარების ცენტრი 3. ევროპის ფონდი4. საქართველოს ახალგაზრდა იურისტთა ასოციაცია5. ინფორმაციის თავისუფლების განვითარების ინსტიტუტი6. გეოპოლიტიკური კვლევების საერთაშორისო ცენტრი7. სამოქალაქო კულტურის საერთაშორისო ცენტრი8. მწვანე ალტერნატივა9. ახალი თაობა დემოკრატიული საქართველოსათვის10. კონსტიტუციის 42-ე მუხლი11. ადგილობრივი დემოკრატიის სააგენტო საქართველო12. საქართველოს გეოსტრატეგიული და ევრო-ატლანტიკური ინტეგრაციისკვლევევების ინსტიტუტი13. გადავარჩინოთ მომავალი თაობა14. სამოქალაქო განათლების განვითარების მულტიეთნიკური რესურსცენტრი15. საქართველოს მწვანეთა მოძრაობა/დედამიწის მეგობრები საქართველო16. სკოლა-ოჯახი-საზოგადოება17. თავისუფალი არჩევანი18. სოფლად თემთა განვითარების სააგენტო19. ასოციაცია "მერკური"20. წამების, ძალადობისა და გამოხატული სტრესული ზემოქმედებისმსხვერპლთა ფსიქო - რეაბილიტაციის საერთაშორისო ცენტრი “ემპათია“ 21. კავკასიის გარემოსდაცვითი არასამთავრობო ორგანიზაციების ქსელი22. დემოკრატიულ ინიციატივათა საერთაშორისო ცენტრი23. საქართველოს რეფორმების ასოციაცია24. ფერმერთა უფლებების დაცვის ასოციაცია25. სტუდენტურ-ახალგაზრდული სათათბირო26. კავკასიური მოზაიკა27. პედაგოგთა კავშირი "განათლება და სამყარო"28. სამოქალაქო საზოგადოების და დემოკრატიის განვითარების ცენტრი29. საქართველოს სამოქალაქო განვითარების ასოციაცია30. რეპატრიანტთა კავშირი31. საქართველოს ჩაის მწარმოებელთა ასოციაცია „საქართველოს ჩაი“32. ასოციაცია ,,ათინათი"33. ახალგაზრდული ალტერნატივა34. ფონდი "პარტნიორობა საგზაო უსაფრთხოებისთვის"35. ასოციაცია „ქალი და ბიზნესი"36. საქართველოს რკინიგზელთა ახალი პროფესიული კავშირი37. მეგობრობის ხიდი ქართლოსი38. საქართველოს პრესის ასოციაცია39. ასოციაცია ”ფსიქეა”40. განვითარების და ჩართულობის ცენტრი41. ასოციაცია „მშვიდობიანი და საქმიანი კავკასია“42. იმერეთის მხარის მეცნიერთა კავშირი "სპექტრი"43. საერთაშორისო ბიზნესის და ეკონომიკური განვითარების ცენტრი44. სამოქალაქო ფორუმი მშვიდობისათვის45. ასოციაცია ''იმედი" დევნილ ქალთა მოძრაობა მშვიდობისათვის46. საზოგადოებრივი განვითარების აკადემია47. საწარმოთა ინოვაციური განვითარების ცენტრი48. ახალგაზრდული ასოციაცია ”დრონი”49. ფონდი “კავკასიის ეკოლოგია“50. პრესის საერთაშორისო ინსტიტუტის საქართველოს კომიტეტი51. იძულებით გადაადგილებულ ქალთა ასოციაცია ”თანხმობა”скачать dle 11.1смотреть фильмы бесплатно



ჩვენი მისამართი

კონტაქტი

  • მისამართი: თბილისი, ალექსი გოგოლაურის N16, 0119
  • ელ. ფოსტა: info@icdi.ge
  • ტელ: +995 (32) 2 148 160
  • ფაქსი: +995 (32) 2 148 160